O Concello de Neda perde constantemente oportunidades de dotarnos de infraestructuras e servizos. Puidemos ter punto de recarga para vehiculos electricos como Cerdido, puidemos mercar un camion da basura novo ou dotarnos dun Punto Limpo Móvil, como Ares.

PUNTO LIMPO MÓVIL, UNHA DOTACIÓN DE INTERESE

En decembro de 2025, MOVENEDA fixo un chamamento público ó grupo de goberno para que presentase proxectos ás axudas da Xunta e aposte por dotarse dun servizo de Punto Limpo Móbil para facilitar a reciclaxe e paliar o problema dos residuos voluminosos

A creación dun Punto Limpo Móbil permitiría á veciñanza desfacerse de residuos sen dificultades e tamén contribuíría a fomentar hábitos de reciclaxe.

CERO INICIATIVA

En MOVENEDA temos fonda preocupación pola absoluta falta de iniciativa do goberno de Alvariño respecta á dotación de novas infraestruturas e servizos básicos para a veciñanza.

Resulta especialmente chamativo comparar con concellos como o Ares, que xa teñen Punto Limpo Móbil ao servizo da veciñanza, ou Cerdido con puntos de recarga para vehículos elécticos. Mentres, Neda segue acumulando anos de parálise, abandono e falta de proxectos útiles.

Desde o MOVENEDA preguntámonos:

• Qué fai o goberno de Alvariño?
• A qué se dedican os seus concelleiros?
• Cales son as razóns polas que, nos últimos tres anos, ningún veciño lembra unha soa nova dotación ou infraestrutura de interese e utilidade pública?
• Máis aló de entroidadas, comelladas e andar de photocalls, cal é o balance real da súa xestión? 

A realidade é que Neda perde oportunidades día a día, perde recursos e tempo, mentres outros concellos avanzan e melloran os seus servizos.