A Xunta de Galicia mantén activo o plan especial INUNGAL ante a previsión de fortes choivas nos vindeiros días.

O servizo de emerxencias monitorea de preto determinados ríos na nosa bisbarra, como o río Cádavo en Fene, ao existir risco de desbordamentos puntuais. Aconséllase á poboación adoptar medidas de autoprotección. 

As alertas actuais responden a predicións de precipitacións intensas destes días e que continuarán nas vindeiras xornadas. O plan está enfocado especialmente ás zonas onde o caudal dos ríos presentan risco de desbordamento. As autoridades recomendan prudencia, evitar actividades nas beiras dos ríos e estar atentos ás alertas oficiais. 

Que é INUNGAL: novo plan de protección civil fronte a inundacións

INUNGAL é o plan autonómico da Xunta para xestionar os riscos de inundacións en Galicia, revisado recentemente pola segunda vez desde a súa creación en 2001. Ver enlace eiquí: INUNGAL
Entre as súas principais funcións:

• Realiza un estudo de riscos de inundación —costeiros, fluviais e pluviais— integrando datos de demarcacións hidrográficas. 
• Establece unha estrutura organizada de actuación: servizos de emerxencias, evacuación, asistencia sanitaria, aloxamentos temporais, restauración de infraestruturas e vías, en caso de incidentes.
• Determina que municipios deben ter un plan municipal de resposta (obligatorio ou recomendado). Tras a actualización, pasaron de 62 a 51 os municipios con obriga, e aumentaron os recomendados de 29 a 45.
• Establece protocolos de coordinación entre os servizos da Xunta, os concellos, os organismos de cuenca e o servizo 112 Galicia para alertas e actuacións ante episodios con risco hidrolóxico.