Estes días recibimos queixas de falla de presión de veciños da Mourela Alta, en zonas de Os Pazos e tamén no Puntal. nalgún caso reportan que están están mesmo sen auga.

2026-07-31

O 31 de Xullo o goberno do Concello fixo un "chamamento á veciñanza para que reduza o consumo de auga ante a escaseza de reservas hidráulicas"

2026-08-10

Primeiras queixas de falla de presión de veciños da Mourela Alta, en zonas de Os Pazos e tamén no Puntal.
Quen chamou a VEOLIA (antes VIAQUA) lle dixeron é "unha avería nos depósitos". Outras contestacións recibidas foron "averia nunha bomba".

ACTUALIZACION 2026-08-11

Dende goberno e VEOLIA a explicación dada foi a de "unha avaría eléctrica que deixou varias zonas do municipio sen subministración".

ACTUALIZACION 2026-08-11 - NOTICIAS EN FERROLTV

ACTUALIZACION 2026-08-11 - 18:00 horas

Veciños reportan falla de auga en: O Cal, Pename, Mourela Baixa, Mourela Alta e Casadelos.

ACTUALIZACION 2026-08-11 - COMUNICADO DO CONCELLO, 19:15 horas

Cortes de auga en distintas zonas de Neda por mor da seca

As medidas postas en marcha para facer fronte á seca e garantir o subministro aos fogares, lamentablemente, non abondaron. E así, ante a imposibilidade de encher coa auga procedente de Narón e con cisternas o depósito dende o que se abastece ás zonas altas do municipio, o Concello de Neda informa da interrupción no abastecemento nos lugares como O Puntal de Arriba, A Silva, Fábrica do Monte, A Mourela, Escorial, Cruz do Pouso, Maciñeira, O Roxal, Casadelos (zona alta).

A administración local traballa a estas horas na busca alternativas para facer fronte ao problema. Tramitouse xa ante Sanidade o permiso para poder botar man dun camión cisterna para distribuír auga potable a aqueles veciños e veciñas que carezan de pozo. Unha medida acordada coa empresa concesionaria do servizo, que terá que esperar polo certificado da Xunta de Galicia.

En paralelo, estase a facer acopio de auga envasada para poder poñer en marcha, se os problemas persisten, un sistema de reparto para persoas que non poidan desprazarse.

https://neda.gal/cortes-de-auga-en-distintas-zonas-de-neda-por-mor-da-seca/

ACTUALIZACION 2026-08-12 - 14:00 horas

Veciños reportan falla de auga en: O Cal, Pename, O Puntal de Arriba, A Silva, Fábrica do Monte, A Mourela, Escorial, Cruz do Pouso, Maciñeira, O Roxal e Casadelos (zona alta)

ACTUALIZACION 2026-08-12 - COMUNICADO DO CONCELLO, 14:30 horas

Os veciños reportan cortes de suministro en A Silva, Fábrica do Monte, Mourela, Escorial, Cruz do Pouso, Maciñeira, Roxal, zona alta de Casadelos e Puntal de Arriba. 

O Concello emite unha nota informativa:

Por mor da situación de seca que estamos a vivir, o río Belelle deixou de aportar auga a ETAP de #Neda. E o subministro alternativo dende Narón é intermitente, debido ao elevado consumo rexistrado na liña, resultando dende onte insuficiente para encher o depósito que abastece ás zonas altas do Concello."

https://neda.gal/persisten-os-cortes-no-subministro-de-auga-en-distintas-zonas-de-neda/

ACTUALIZACION 2026-08-12 - INFORMACION DO CONCELLO, 21:30 horas

A empresa VEOLIA xa ten autorización de Sanidade para mobilizar un camión cisterna de 25 m3. Se situará o xoves ao longo da mañá no Centro de Saúde para que a veciñanza afectada que non dispoña de pozo poida achegarse con garrafas a por auga.

O Concello de Neda prevé activar tamén este xoves un sistema de reparto de auga envasada entre aqueles abonados que non poidan desprazarse ata Albarón, unha vez que o camión cisterna estea operativo.

ACTUALIZACION 2026-08-13 - INFORMACION DO CONCELLO, 12:15 horas

O concello informa por redes sociais que xa se da "subministro alternativo de auga potable" en tanto "non se poida restablecer o servizo". Hai unha cisterna en Albarón para o reparto de auga entre a veciñanza afectada

O aviso do goberno, na web do Concello: https://neda.gal/un-camion-cisterna-surte-auga-en-albaron-a-vecinanza-afectada-polo-corte-no-subministro/

ACTUALIZACION 2026-08-13 - BANDO DO CONCELLO, 17:05 horas

O alcalde emite un bando con “medidas extraordinarias de aforro de auga”, agora si, "ante a situación de seca que se está a vivir" e "os problemas de subministro". 

O bando completo, na web do Concello: https://neda.gal/prohibese-usar-auga-da-rede-municipal-para-o-enchido-de-piscinas-regos-de-xardins-e-outros-usos-non-esenciais/

ACTUALIZACION 2026-08-14 - VECIÑOS REPORTAN A VOLTA DA AUGA, 10:30 horas

A primeira hora da maña temos os primeiros reportes de volta do servizo de auga en alguna zonas do Concello, ainda que con pouca presion

ACTUALIZACION 2026-08-14 - ALCALDIA CONVOCA XUNTA DE PORTAVOCES, 12:17 horas

Vimos de recibir por parte da alcaldía a confirmación de que este luns 17 se vai celebrar una Xunta de Portavoces tal e como MOVENEDA solicitou o mércores 12.

Agardamos que na mesma se nos traslade toda a información relativa os acontecimentos relacionados co corte de auga deste días.

ACTUALIZACION 2026-08-14 - RECUPERADO EN GRAN PARTE O SERVIZO, 20:00 horas

Concello e diversos medios informan da recuperacion do suministro de auga, mediante entrada de auga procedente do encoro das Forcadas e conexións con redes de Narón e de Fene.

Veciños en diversas zonas ainda seguen sen suministro.

ACTUALIZACION 2026-08-15 - VEOLIA CONTINUA TRABALLOS, 20:00 horas

En Gandarela faltou a auga 40 minutos pero xa volveu

Técnicos de VEOLIA trabllando na baixada da Mourela

ACTUALIZACION 2026-08-15 - ZONAS CONTINÚAN SEN SERVIZO, 22:00 horas

Veciños reportan que Casadelos e Mourela están sen auga.

Queixas de baixa presion na zona do Escorial.

ACTUALIZACION 2026-08-15 - VEOLIA TRABALLANDO, 23:00 horas

Veciños nos comentan que técnicos de VEOLIA estan a traballar na Mourela.

Continúan os cortes intermitentes e baixa presion en diversas zonas.

ACTUALIZACION 2026-08-16 - ZONAS CONTINÚAN SEN SERVIZO, 11:00 horas

Inda que dende o Concello din que xa hay "restablecimento do servizo", temos avisos de veciños sinalando cortes de auga, se ben puntuais, e baixa presion en diversas zonas.

No sabado noite, recibimos avisos dende a rua Fausto Cansado, Mourela e Casadelos.

En Casadelos tiveron auga e cortouse o servizo ó redor das 21:00