Publicouse estes días unha reportaxe sobre como as grandes plantacións forestais nas cabeceiras dos ríos galegos agravan a seca: as brañas drenadas, os regatos secos e o consumo de auga superficial e subterránea que fan estas masas mal plantadas. É un problema real, documentado e recoñecido pola comunidade científica.

Desde MOVENEDA queremos deixar unha cousa clara antes de que a alguén lle veña a inspiración: que non se lle ocorra ao alcalde Alvariño aferrarse tamén a esta excusa para xustificar o desastre da auga en Neda. Non vaia ser que agora resulte que a culpa da seca a teñen os eucaliptos, e non anos de deixadez na xestión e modernización da traída, na conservación das captacións e no control do contrato de concesión.

E aínda máis: se alguén se preocupou nesta vila polos eucaliptos e por como afectan á traída de auga de Neda, fomos nós. Non unha vez, senón varias, tanto en pleno como nas Comisións Informativas (as actas están ahí), onde pedimos a retirada dos eucaliptos das proximidades do canal da Marina. Cousa que, como xa é habitual, o goberno municipal non fixo.

Así que o argumento non vale. Quen advertiu do problema fomos os que non gobernamos; quen tiña a competencia, os medios e a responsabilidade para actuar era el, e non moveu un dedo.

En Neda a auga non falta só porque chova menos. Falta tamén porque hai un goberno que leva anos sen facer os deberes.

O artigo completo en El Correo Gallego