Ainda que sexa tarde, mal e a rastras, causa grata sorpresa ver que o PSOE se suma por fin as reclamacións para que a Xunta do PP asuma as súas responsabilidades e competencias e se poña a traballar xa para completar o saneamiento en Neda.

Dende MOVENEDA levamos anos reclamando que as administracións locais e autonómicas deixen de usar asuntos como o saneamento ou a limpeza dos ríos como armas electoralistas e para tentar gañar os votos de catro incautos.

No noso sartigo de novembro, Neda sen saneamento mentres a Xunta do PP deixa sen gastar o 80% do presupostado para estas infraestructuras, xa denunciamos que Augas de Galicia recoñece que, dos máis de 800 millóns de euros previstos para saneamiento e depuración, só deu executado 147 millóns ata decembro de 2023: menos dun 20%.

Xa abonda de excusas, a Xunta ten que poñerse a traballar

O problema de fondo está claro: existen vertidos á ría porque falta unha rede de saneamento axeitada, moderna, capaz de tratar as augas residuais de xeito eficaz.

O Partido Popular ten que explicar porque Neda queda dende hai anos fóra dos proxectos que financia a Xunta. Isto constitúe un acto de discriminación inxustificable. 

As consecuencias deste abandono son gravísimas: pon en risco a saúde pública, a calidade ambiental da ría, e o medio de vida de centos de persoas do sector marisqueiro, vital para a economía local e para a conservación do noso patrimonio litoral.

Dende MOVENEDA reclamamos

• Que a Xunta asuma inmediatamente as súas responsabilidades e execute as partidas comprometidas de saneamento e depuración para Neda e o conxunto da ría.
  
  
• Que se priorice a realización dunha rede integral de saneamento en Neda, conectando o municipio con sistemas de depuración efectivos e non proxectos paralelos con fins propagandísticos.
  
  
• Que se garanta a protección da ría e do medio ambiente, así como das persoas que dependen dela para vivir.
  
  
• Transparen­cia nas planificacións e nos prazos: que se explique por que esas partidas permanecen sen xecutar, e que se fagan públicos os plans concretos de actuación e calendarización.

Facemos un chamamento á solidariedade cidadá: a loita polo saneamento adecuado non é só responsabilidade de Neda: é de todas as persoas que queremos salvar a nosa ría e garantir un futuro digno para o noso pobo e os nosos sectores produtivos.