Non ver, non escoitar e calar a boca. Asi quere Alvariño ós veciños. Por iso, contra a imposición da censura, resentamos un recurso contra o Regulamento de Redes Sociais, por consideralo nulo de pleno dereito ó vulnerar dereitos fundamentais de participación e liberdade de expresión.

O Grupo Municipal de MOVENEDA vén de formalizar a interposición dun recurso potestativo de reposición contra o acordo adoptado no Pleno do pasado 30 de marzo de 2026, no que o goberno de Ángel Alvariño aprobou, de xeito unilateral, unha pretendida “Normativa de participación nas redes sociais oficiais do Concello”.

Dende o noso punto de vista o contido deste documento recorta liberdades e vulnera os dereitos fundamentais recollidos na Constitución. 

Esta Normativa se aprobou sin que houbera un ditame xurídico previo que verificara que o texto cumplía coa legalidade. Votaron a favor o alcalde e os concelleiros e concelleiras do PSOE, cos votos en contra de MOVENEDA e on resto da oposición.

UNHA PROPOSTA SEN NEGOCIACION E SEN GARANTÍAS LEGAIS

O regulamento non foi debatido previamente nin no pleno e foi unha imposición feita polo goberno de Alvariño sen máis, en un alarde de prepotencia e falta de espíritu democrático.

O texto que aprobaron é un claro atentado contra a transparencia, a liberdade de expresión, e vulnera o dereito á participación política recollida na Constitución.

RAZONS DO RECURSO: CONTRA A ARBITRARIEDADE E A CENSURA

Por esta razón, e tras consultar á nosa asesoría xurídica, dende MOVENEDA presentamos un recurso de reposición contra o acordo do pleno solicitando que se suspenda a execución desta normativa.

Non podemos deixar que se pisen os dereitos da cidadanía e dos seus representantes de xeito tan descarado. Esperemos que reflexionen e recuperen o sentido común, o sentido ético e o sentido democrático.