O alcalde Alvariño volve demostrar a súa falla de transparencia e nula vontade de diálogo de cara a renovación na organización da Festa do Pan. Durante o pleno de onte luns, os grupos da oposición solicitamos información sobre esta celebración, que debería ser un orgullo para toda veciñanza. Alvariño so puido dar respostas evasivas e vagas.

Hoxe, sen previo aviso e sen notificar nada á oposición, o executivo presenta o cartel da festa. Isto indica que no día de ontes ocultaron informacion ó Pleno e ós veciños. Isto confirma o seu estilo autoritario e caciquil.

Un concello non se pode dirixir como se fose un cortijo privado

Dende MOVENEDA, queremos denunciar:

• Falla de interlocución
  É inaceptable que as panaderías locais e os grupos da oposición non sexan consultados para tratar de mellorar unha festa que celebra o producto local. A negativa a escoitar novas ideas reflicte unha visión pechada e arrogante, lonxe das necesidades reais da festa e do sector.
  
  
• Opacidade e miseria política
  Ocultar información no pleno municipal indica o escaso respecto que Alvariño ten polos veciños e veciñas e polas reglas básicas da democracia. Unha festa pública non pode xestionarse entre catro persoas, as agachadas como quen trama un delito. Debe facerse con debate e participación, ilusionando a todos.
  
  
• Partidismo nos actos institucionais
  Alvariño practica unha noxenta apropiación partidista dos actos e eventos municipais, incluíndo a Festa do Pan. É unha vergoña. Un evento que debe unir a todo o pobo, o convirte nun escaparate propagandístico persoal, demostrando unha mentalidade caciquil.
  
  
• Estancamento e falta de renovación
  A Festa do Pan está a caer na repetición aburrida, sempre o mesmo. Non se fai o mínimo esforzo por atraer máis panaderías de Neda. Tampouco se traballa por innovar ou renovar contidos e formato. A comodidade e a desidia están a matar unha celebración que debería ser dinámica e participativa e atractiva.

Polo futuro da Festa do Pan de Neda, dende MOVENEDA exiximos transparencia, diálogo e renovación.

En Neda Merecemos máis!