A Xunta de Galicia vén de convocar novas axudas para a compra de vivenda, especialmente pensadas para cascos históricos e vivenda protexida. O obxectivo é dobre: facilitar o acceso á vivenda e dar vida aos centros históricos das vilas e cidades galegas. 

Canto se pode recibir?

As axudas poden chegar a:

• Ata 10.800 € con carácter xeral

• Ata 12.800 € para menores de 36 anos

• Ata 15.000 € en zonas declaradas como áreas Rexurbe

No caso de vivenda protexida, as cantidades poden ser aínda maiores dependendo do concello.

Prazo para solicitalas

• Desde o 15 de abril ata o 15 de outubro de 2026

• Ou ata que se esgoten os fondos

As axudas concédense por orde de solicitude, así que convén non agardar demasiado.

Quen pode pedilas?

Poden solicitar estas axudas as persoas que:

• Comprasen unha vivenda entre outubro de 2025 e outubro de 2026

• A vaian destinar a residencia habitual

• Teñan ingresos que non superen aproximadamente 6,5 veces o IPREM

Que tipo de vivendas entran?

• Vivendas en cascos históricos

• Vivenda protexida

En ambos casos, deben ser para vivir nelas de forma habitual.

Unha oportunidade interesante

Lamentablemente esta liña conta somentes cun orzamento de 2 millóns de euros o que vai facer que poucas persoas poidan acceder a elas. A Xunta afirma que busca axudar á veciñanza a acceder a unha vivenda ao tempo que se recuperan zonas con valor histórico. 

Se estás pensando en mercar casa, pode ser un bo momento para informarte e aproveitar estas axudas.

O enlace ó DOGA: eiquí