No dia de onte, as tres forzas da oposición do Concello de Neda emitimos un comunicado conxunto denunciando que o goberno de Alvariño Saavedra exerce unha censura intolerable ocultando e bloqueando a publicación do video do último pleno.

Tan só 1 hora e 23 minutos despois de denunciar a censura, o Concello publicou o video.

Podedes consultado eiquí

O asunto é grave. A rapidez coa que reaccionou o goberno e toda unha confesión: había orde de non publicalo porque alguen decidiu censuralo. Non había dificultades técnicas, só a vontade de entorpecer a laboura da oposición.

Este non é outro video gracioso de tiktok, trátase da acta dixital dun acto oficial, é un documento legal do concello e alguén manobrou para impedir o acceso da oposición á documentación oficial, para coartar o dereito dos veciños e veciñas á información e a saber o que acontece nos plenos.

Dende Moveneda - Movemento Veciñal Neda convidamos ó BNG e ó PP a colaborar para depurar responsabilidades neste grave feito, ate as últimas consecuencias, incluídas as legais.

Por outro lado, o video non esta completo, está censurada a intervención de Manuel Monge e a do colectivo de veciños afectados pola riada.

Por exemplo, podedes ver como nun pleno anterior, do 27-11-2024, está publicado completo, e pódese escoitar a intervención de veciños despóis turno de Rogos e Preguntas. 

Por qué neste pleno de Marzo se censura esta parte?

Moveneda continúa a esixir que pare dunha vez a censura e a manipulacion por parte do goberno de Alvariño e que se publique o video completo.