O vindeiro sábado día 29 de novembro MOVENEDA fará un pequeno acto de celebración lebrando os dez anos (e seis meses...) da nosa actividade. Será na Casa da Cultura, a partires das 19:30 horas

Foi aló, por 2015, que un grupo de veciños se xuntan nun proxecto para levar a voz dos veciños comúns á Casa do Concello. É entón cando xurde MOVENEDA, o Movemento Veciñal Neda, ó abeiro dos movementos de contestación cidada de 2014 e tamén da resposta veciñal contra a deriva e as actitudes autoritarias do daquela alcalde do PP, Ignacio Cabezón.

10 anos despois aquí seguimos traballando, coas mesmas intencións pero con algo máis experiencia. MOVENEDA segue a marcar un fito de acción política en Neda, inspirada tamén naquelas primeiras corporacións da Agrupación Democrática Independente: aberta, de base, participativa, rendendo sempre contas, explicando o que facemos e procurando que a Casa do Concello sexa a casa de todos, e non o chiringuito dos escollidos.

Celebracións

Este sábados vos convidamos a reunirnos todos cantos fixemos posible MOVENEDA, todos os que nalgún momento apoiaron e aportaron o mellor de sí, ós que nos votaron dándonos a súa confianza, a todos os veciños que pensan que en Neda merecemos máis.

Vos convidamos a xuntarnos de novo, saudarnos, lembrar as cousas boas (tamén algunha non tan boa...), falar un pouco de todo e, o máis importante, tomarlle un picho e un grolo.

Estades todos convidados. Non faltedes!

Vémonos o sábado!