A AEMET e Meteogalicia emitiron sendos avisos de alerta por fenómenos meteorolóxicos adversos que afectarán ó Concello de Neda ó longo dos días 03 e 04 de decembro de 2025.

En función destes avisos, as alertas serán do seguinte tipo:

· Mércores 03/12/2025:

Alerta laranxa por fenómenos costeiros con ventos do suroeste de ata 61 km/h (Forza 7) entre as 00:00 e as 24:00.

· Xoves 04/12/2025:

Alerta amarela por fenómenos costeiros por mar combinada de 4 a 5 m entre as 00:00 e as 08:00.

Alerta laranxa por fenómenos costeiros con ventos do oeste-noroeste de ata 74 km/h (Forza 8) entre as 08:00 e as 24:00.

Ante esta situación, lémbrase a necesidade de tomar as medidas preventivas necesarias para evitar os riscos que poidan producirse en entornos expostos ás inclemencias do tempo e instase a que se tomen as seguintes medidas preventivas no caso de ventos fortes:

• Pechar portas, portóns e portalóns, así como asegurar ventás, toldos e carpas
• Retirar aqueles obxectos que poidan caer
• Ter precaución diante de edificios en construción ou en mal estado
• Asegurar andamios, grúas e outros elementos de obra
• Asegurar o mobiliario urbano, os colectores do lixo ou calquera outro obxecto susceptible de provocar un accidente
• Manterse afastado de lugares que poidan verse afectados polas mareas e o oleaxe que se poidan xerar debido á intensidade dos ventos fortes
• Evitar a utilización de embarcacións; revisar e reforzar as amarras

E por último, en relación cos fenómenos costeiros, haberá que tomar as medidas preventivas oportunas e analizar se é posible a navegación en función do tipo de embarcación e das súas capacidades, especialmente en augas fóra da ría de Ferrol.