O vindeiro 15 de outubro, está convocada en todo o estado unha xornada de movilizacións e folgas contra o xenocidio e o apartheid en Palestina.

O sindicato CGT convoca Folga Xeral de 24 horas en todo o Estado español. Na nosa comarca a Sección sindical en Navantia - Ferrol, en EMAFESA e no Concello de Narón súmanse a este chamamento.

Os sindicatos CCOO e UGT optan por paros de dúas horas, enmarcados dentro da convocatoria da xornada de loita con folgas, asambleas e concentracións, para pedir a fin do xenocidio contra o pobo palestino. Os paros rexistrados por estes sindicatos levaranse a cabo nos tres turnos de traballo para facilitar a participación en calquera horario laboral: de 02:00 a 04:00 horas na madrugada, de 10:00 a 12:00 horas no turno de mañá e de 17:00 a 19:00 horas na tarde. 

Pola súa banda, os sindicatos CUT e CIG amosan tension e disparidade de criterios. A Central Unitaria de Traballadores está a favor de un paro total en Galicia para ese mércores mentres que a CIG aposta unha movilización de menor entidade e ven de convocar paros parciais de catro horas por turno nos centros de traballo, tanto públicos como privados. Os horarios concretos son de 22:00 a 02:00 no turno de noite, de 10:00 a 14:00 no de mañana e de 18:00 a 22:00 no de tarde. 

MOVENEDA CHAMA A PARTICIPAR

Moveneda, na súa liña de denuncia do xenocidio en Palestina, chama a veciñanza a participar activamente nas movilizacións e accións de protesta convocadas para este día.

Dende o rio ate o mar, Palestina vencerá!
Palestina Libre!