Xunta: axudas para a reparación dos danos ocasionados pola vaga de lumes

A Xunta de Galicia publica no Diario Oficial de Galicia a orde pola que se activan as axudas para a reparación dos danos ocasionados pola vaga de lumes.

Dado que o Concello de Neda foi un dos afectados, recomendamos a todos os veciños que se consideren afectados ou damnificados que chamen á liña aberta específica e gratuíta, que estará operativa todos os días da semana, sábados e domingos incluídos, das 8.00 ás 22.00 horas.

No telefono 900 81 54 00 se ofrecerá atención especializada e asesorámento na preparación da documentación necesaria para presentar as solicitudes das diferentes liñas de axudas.

E en liña coa Xunta, o Instituto Galego de Consumo pon tamén á disposición dos veciños do Concello de Neda afectados pola vaga de lumes, un teléfono de atención gratuíto 900 231123, ou calquera das súas oficinas, para informarse do millor xeito de reclamar á súa aseguradora os danos ocasionados polo lume.

Campaña informativa do Concello: axudas ós veciños

O Concello de Neda abre estes días unha moi necesaria campaña informativa para que os veciños nos enteremos das moitas axudas ás que temos acceso, coma neste caso as Axudas á Conciliación por Maternidade e Paternidade para autónomos, pero hai máis.
Acudide ó Concello e informádevos!

Estado da NON limpeza na zona da ribeira na Ostreira-Puntal.

Publicamos hoxe este vídeo para que poidades comprobar o estado no que se atopa a zona da ribeira comprendida entre a vía do tren e o Pazo da Merced.

No mes de maio, e xunto coa Asociacion de Buceo Medioambiental los Delfines, solicitamos a colaboración do Concello para organizar con voluntariado unha xornada de limpeza na ribeira. Pedíamoslle que aportara os materiais necesarios para a súa realización.
Negousenos esa colaboración alegando que se ía a proceder á limpeza mediante a subvención que a Deputación Provincial da Coruña establece para limpeza de praias nos meses do verán. Estes traballos, adxudicados por uns 6.500€ aprox, consistirían na limpeza inicial das zonas da Ostreira, Cascal e Puntal, e logo a limpeza periódica da aréa da praia do Puntal.
No pleno do mes de setembro, celebrado o día 25/9/2017, e despois de inspeccionar a zona, os veciños de Moveneda sacamos o tema para incidir en que o único do que tiñamos constancia que se fixera, fora o desbroce dunha franxa duns 2 metros de alto e 250-300 m de longo na praia do Puntal, así como a limpeza das beiras da pista que baixa ao peirao. Preguntamos se xa remataran os traballos e quenes eran os responsables do control dos mesmos. A este punto o Alcalde nos contestou que xa se fixeran traballos de limpeza e que ademáis a tempada de verán aínda non rematara e se estaba en prazo de facela.

Pois ben, pasado máis dun mes do remate do verán, con este vídeo queremos denunciar que non se cumpríu o contrato. Isto é un feito constatable, e á vista está o estado no que segue atopándose a zona. Podedes comparalo coas fotos previas (publicadas no seguinte post https://www.facebook.com/moveneda/posts/1777395242557824 ) feitas no mes de maio deste ano e outras máis do mes de setembro, e decidir por vós mesm@s, se considerades axeitados os traballos de limpeza realizados.

Aclaración sobre o contrato de limpeza da ribeira de Neda

Ante algunha información que di que cando solicitamos a colaboración do Concello de Neda para a xornada de limpeza xa estaban contratados os traballos, agora publicamos as referencias que aparecen en actas de Xunta de Goberno que desmostran que a solicitude foi feita case 2 meses antes da contratación dos mesmos.

• 24/04/2017: Acta da Xunta de Goberno na que se comunica que a Deputación aprobou provisionalmente a concesión dunha axuda de 6.768 € (enviada aos concelleiros de Moveneda o 05/05/2017)
• 24/05/2017: A Asociación Medioambiental Delfines xunto a Moveneda, presenta no Concello a proposta para facer a limpeza da ribeira, solicitando a colaboración do Concello.
• 29/05/2017: Acta da Xunta de Goberno na que se comunica a aprobación definitiva da Deputación, da concesión da subvención. Se acorda denegar a colaboración solicitada por Moveneda e AM Delfines, e se acorda iniciar o expediente de contratación do servizo de limpeza e di textualmente:

“Dáse conta que consonte á memoria que serviu de base a solicitude desta axuda a actividade a desenvolver comprende a realización das seguintes actuacións nas praias da Ostreira, Cascal e Puntal, durante 3 meses, coincidindo co verán deste ano, unha primeira retirada de obxectos depositados pola marea durante as anteriores estacións, para posteriormente acometer as tarefas de acondicionamento e limpeza diaria dos areais...”

(enviada aos concelleiros de Moveneda o 09/06/2017)

• 16/06/2017: Acta da Xunta de Goberno na que se adxudica o contrato por 6.655 €.

En resumo:

1. Moveneda e a Asociación Medioambiental Delfines, solicitamos a colaboración do concello para facer a limpeza o 24/04/2017, é dicir, case 2 meses antes de que se adxudicaran os traballos (16/06/2017).
2. Por qué nos queixamos desde Moveneda?. Polo incumprimento do contrato adxudicado. De feito, do único que temos constancia é do desbroce da franxa de 250-300 m no areal do Puntal e, probablemente, o desbroce das baixadas ao peirao desde a vía do tren.
   Sen embargo, nin se removeu a herba que nace no areal do Puntal, nin se limparon os obxectos depositados dende hai meses, tal e como atestiguan as fotos que temos de antes do 24/04/2017 e despois en outubro de 2017.

Temos constancia de que, a pesar de non ter feito os traballos según o disposto no contrato, fixéronse 3 pagos por importes cada un de 2.218,32€ en xullo, agosto e setembro (total 6.654,96 €).

Conclusión:
Non se fixo por parte do concello un seguimento e control dos traballos contratados, polo que consideramos que non se deberon de pagar a totalidade dos 6.655 €, senón tan solo á parte correspondente aos traballos realmente realizados.

Fotos da NON limpeza da ribeira maio vs setembro de 2017

Fotos do estado da ribeira nos meses de maio e setembro de 2017 e outras do día 25/10/2017.

Limpeza de fincas en Pazos e Fabrica do Monte

Felicitamos ó goberno tripartito do Concello de Neda por conseguir que outras administracións públicas e outros entes fagan a limpeza das súas fincas, cousa á que, igual que o resto de persoas, están obligadas por lei.
Isto ven á palestra porque hai varios meses, e a petición dos veciños destas fincas, que MOVENEDA solicitou ó Concello de Neda que instase tanto ó Ministerio de Defensa, propietario das terras colindantes cos depósitos de auga nos Pazos, como a AUDASA, propietaria dos terreos da entrada do túnel da AP-9 na Fábrica do Monte, para que mantiveran estas fincas en bo estado de conservación xa que estaban totalmente desatendidas, é dicir, a monte.
Se hai un tempo era AUDASA, despois de manter algunha reunión tanto co Concello como coa veciñanza afectada, a que limpaba a franxa exterior da verxa que bordea a boca do túnel, estes días estase a proceder a limpar os terreos contiguos ós depósitos de auga do canal nos Pazos.
O dito, aínda que con un pouco máis de tardanza da esperada, vanse facendo limpezas e mantemento que a todas luces eran necesarias.